Wie’s Wie
Dr. Reinhardt Fourie
Departement Afrikaans en Algemene Literatuurwetenskap
Universiteit van Suid-Afrika (UNISA)
E-pos: fourir@unisa.ac.za
Tel: +27 12 429 6603
Google Scholar | ORCID
Reinhardt Fourie studeer aan die Universiteit van Pretoria, Universiteit Gent (België), die Katholieke Universiteit Leuven (België) en Stellenbosch Universiteit. Hy was voorheen verbonde aan die Departement Afrikaans en Eenheid vir Akademiese Geletterdheid aan die Universiteit van Pretoria. Tussen 2014 en 2022 is hy werksaam as lektor in die Departement Engels aan die Universiteit van Suid-Afrika (Unisa). Hy is tans senior lektor in die Departement Afrikaans en Algemene Literatuurwetenskap (Unisa). Sy navorsingsbelangstellings sluit in vergelykende letterkunde (Engels/Afrikaans) en postkolonialisme.
Ondervoorsitter
Dr Minesh Dass
Departement Engels
Universiteit van Johannesburg
E-pos: m.dass@uj.ac.za
Minesh Dass is senior lektor in die Departement Engels aan die Universiteit van Johannesburg. Hy het voorheen ook Engelse letterkunde aan die Rhodes-universiteit doseer, en was dosent in literatuurwetenskap aan die Universiteit van Suid-Afrika. Sy navorsingsuitsette handel oor nosies van tuiste en verbondenheid in Suid-Afrikaanse postapartheidtekste en oor institusionele universiteitskultuur. Sy huidige navorsingfokus behels literêre ondersoeksmetodes en die toepaslikheid daarvan binne Suid-Afrikaanse kultuurstudie.
Sekretaris
Dr. Neil van Heerden
Departement Afrikaans en Algemene Literatuurwetenskap
Universiteit van Suid-Afrika (UNISA)
E-pos: vheern@unisa.ac.za
Tel: +27 12 429 6424
Neil van Heerden studeer aan die Universiteit van Pretoria en voltooi in 2018 ’n PhD getiteld “Misdaadfiksie en die literêre kanon in Afrikaans: ’n ondersoek na die romans van Deon Meyer”. Hy is tans verbonde aan die Departement Afrikaans en Algemene Literatuurwetenskap aan die Universiteit van Suid-Afrika (Unisa), waar hy Afrikaanse letterkunde doseer. Sy navorsingsbelangstellings sluit in narratologie, postkoloniale teorie, ekokritiek, populêre fiksie en misdaadfiksie.
Tesourier
Gemma Field
Departement Engels
Universiteit van die Vrystaat
E-pos: fieldgrn@ufs.ac.za
Gemma Field is lektor in die Departement Engels aan die Universiteit van die Vrystaat. Sy ontvang in 2020 die Stan Ridge Memorial Prize vir die Beste Referaat van die Universiteit van die Wes-Kaapland en behaal in 2022 haar Magister Artium aan die Universiteit van Kaapstad. Haar navorsing fokus op die interseksies van wetenskapfiksie, queerteorie, Modernisme en die omgewingsgeesteswetenskappe.
Addisionele Lede
Dr. Siseko H. Kumalo
Departement Filosofie
Universiteit van Fort Hare
E-pos: skumalo@ufh.ac.za
Google Scholar | ORCID
Siseko H. Khumalo is werksaam binne die veld van politieke teorie. Sywerk fokus op die ontologie van Swartheid/Inheemsheid in Suid-Afrika. In sy doktorale studie ondersoek hy belonging en nasionale identiteit aan die hand van die werk van twee historiese Swart intellektuele, naamlik, William Wellington Gqoba en S.E.K. Mqhayi. Hy is lektor in die Departement Filosofie aan die Universiteit van Fort Hare en het gedien as die stigter en hoofredakteur van Journal of Decolonising Disciplines. Die Harvard South Africa Fellowship word in 2022 aan hom toegeken, en hy het dit gebruik vir die ontwikkeling van die Black Archive Visual Podcast en ander innoverende projekte by Harvard. Sy navorsing geniet internasionaal aandag, en word deel van platforms soos die Verenigde Nasies se Voorafberaad vir die Toekoms in New York (2024).
Dr. Silindiwe Sibanda
Departement Engels
Universiteit van Pretoria
E-pos: silindiwe@gmail.com
ORCID
Silindiwe Sibanda is al vir meer as twee dekades werksaam as navorser en dosent. Sy beskik oor ‘n PhD in kinder- en jeugletterkunde van die Universiteit van die Witwatersrand, en die afgelope ses jaar het haar fokus verskuif na onderrig. Gevolglik voltooi sy ‘n NGSO aan die Universiteit van Sunderland. Sy was voorheen lektor in die Engelsdepartemente aan Unisa en die Universiteit van Pretoria. Sy was as opvoeder betrokke by Venture Education Centre in Beijing, waar sy met tweedetaalsprekers gewerk het om hulle voor te berei op Engelstalige onderrig en universiteitstoelating. Hierbenewens het sy Engels en Individue en Samelewings onderrig op hoër- en laerskoolvlak aan die Western Academy of Beijing, waar sy ook as opvoeder in taalondersteuning werksaam was. Haar onlangse navorsing behels die bevordering van lees onder leerders, sowel as die insluiting en tegemoetkoming van leerders met gesigsgestremdhede in hoofstroomskole.
Redakteur: Tydskrif vir Literatuurwetenskap
Prof. Alan Northover
Department Afrikaans en Algemene Literatuurwetenskap
Universiteit van Suid-Afrika (UNISA)
E-pos: northra@unisa.ac.za
Tel: +27 12 429 6794
Google Scholar | ORCID
Richard Alan Northover is professor in die Departement Afrikaans en Algemene Literatuurwetenskap aan die Universiteit van Suid-Afrika (Unisa). Hy verwerf in 2010 sy doktorsgraad aan die Universiteit van Pretoria. Sy verhandeling is getiteld “J.M. Coetzee and Animal Rights: Elizabeth Costello’s Challenge to Philosophy’. Sy akademiese belangstelling sluit in letterkunde, literatuurwetenskap, filosofie, geskiedenis, rotskuns, mite en godsdiens, en hy is tans werksaam in die ondersoeksrigtings van dierestudies en ekokritiek. Sy publikasies kan gevind word deur die bovermelde ORCID-skakel te volg.